I nderuar Zoti Kryetar Prof. Besnik Emshiu,

Pranoni urimet tona të sinqerta për fitoren e Juaj si Kryetar i Komunës së Bogovinës, në fshatin dhe vendlindjen tonë në Bogovinë.

Jemi të bindur që Komuna e Bogovinës nën udhëheqjen e Juaj si Kryetar do të jetë një organ shtetëror lokal e vlerave demokrative dhe e drejtësisë.

Shpresojmë që Komuna e Bogovinës do të angazhohet edhe më tepër në marrëdhëniet e mira me mërgatën e saj, sepse edhe ne jemi pjesë e kësaj shoqërie. Brezi i ri duhet të njohë kulturën dhe historinë e të parëve të tyre në vendlindjen tonë. Megjithatë, duhet bërë edhe më shumë punë në këtë drejtim, në mënyrë që brezi i ri të mos humbasë identitetin e tij.

Juve, Zoti Kryetar Prof. Besnik Emshiu, dhe të gjithë stafit tuaj të kabinetit ju dëshirojmë shëndet të mirë dhe suksese në realizimin e misionit tuaj për zhvillim të Komunës së Bogovinës, të vendlindjes sonë.

Me respekt,
Shoqata AVFI Bogovinë, Zvicër

I nderuar Zoti Kryetar Albon Xhemaili,

Me kënaqësi të veçantë mirëpritëm zgjedhjet 2017 në Komunën e Bogovinës, fshatin tonë.

Na lejoni në këtë rast në emër të shoqatës tonë AVFI t’ju përcjellim urimet më të përzemërta dhe më të sinqerta për detyrën e re fisnike që ndërmerrni.

Shprehim bindjen e plotë se me eksperiencën e gjerë që gëzoni në institucione të rëndësishme të Komunës së Bogovinës, do të kontribuoni në forcimin e perspektivës evropiane të Komunës së Bogovinës.

Duke shprehur dhe një herë urimet tona më të mira për një veprimtari Tuajën plot përgjegjësi dhe suksese, lutemi ti pranoni, i nderuar Kryetar, urimet tona.

Me respekt,
Shoqata AVFI Bogovinë, Zvicër